Сәрдек авылында күңел ача беләләр

Сәрдектә авыл клубы бер дә тынып тормый. Клуб мөдире Рәйханә Низамова белән китапханәче Флүзия Лотфуллина һәрдаим кызыклы чаралар үткәреп кенә торалар. Чираттагысы игътибарымны аеруча җәлеп итте. Биредә айга ике тапкыр 30 яшьтән узганнар һәм яшьләр өчен "Күңел ачу кичәсе"оештырыла икән. Калган авылларда яшьләр клубларга йөрми, өлкән буынны да җәлеп итеп булмый дип төшенкелеккә бирелгәндә сәрдеклеләр җаен тапкан. Эш сәгатем үтсен дә, хезмәт хакы гына бирсеннәр дип дип түгел, ә бәлки үз эшен җиренә җиткереп башкарган Рәйханә, Флүзия кебекләрдән үрнәк алып эшләргә кирәктер, шул чагында башка җирлекләрдә дә клублар гөрләп эшләр иде.