Яңа клубта зур концерт

Билгеле булганча, 2014 нче ел Мәдәният елы. Әлеге ел кысаларында Татарстанның Дәүләт җыр һәм бию ансамбле республикабызның шәһәр һәм авылларына концерт марафонын башлады. Данлыклы ансамбль 28-29 нчы гыйнвар көннәрендә Теләче районының Югары Кибәхуҗа һәм Олы Норсы авылларында булды. 3 нче февральдә коллектив Биектауда чыгыш ясаячак. 4есендә исә ансамбльнең районыбызның Әтнә авылына килүе көтелә. Хөрмәтле Әтнә авылы халкын һәм якын тирәдә яшәүче райондашларыбызны19 сәгатьтә башланачак җыр һәм бию бәйрәменә көтеп калабыз.