Балтач гимназиясе укучылары күңелле яши

13нче январьда Балтач гимназиясенең 1нче и сыйныфында бик күңелле ачык чара - Б. Заходерның "Хрюк на ёлке" әкияте буенча викторина булды. Әсәрне укучылар алдан, кышкы каникуллар вакытында укыды. 1нче сыйныф өчен озын әсәр булганга, аларга әти- әниләр дә булышты. Викторина вакытында укучылар автор турында белде, әкиятнең эчтәлегенә бәйле сорауларга җавап бирде, төп геройның гамәлләренә бәя бирде, үзләренең этикет кагыйдәләрен белүләрен күрсәтте, "әдәпле" сүзләрнең татарча, русча, инглизчәсен искә төшерде.