Мәгариф
Бүген Бердәм дәүләт имтиханнарын тапшыру башлана
Бүгеннән Россиядә Бердәм дәүләт имтиханнарын вакытыннан алда тапшыру этабы старт ала. Ул 24нче апрельгә кадәр дәвам итә. Анда 9 меңләп укучы катнашачак.
Быел математика буенча бердәм дәүләт имтиханы ике дәрәҗәле: база һәм профильле булачак. Аның беренчесе укучыларның гомуми үсешен күз уңында тота һәм мәктәпне тәмамлаучыларга аттестат алу өчен кирәк. Математика буенча имтихан нәтиҗәләре исәпкә алына торган юнәлеш буенча укырга керергә теләүчеләр исә БДИның профильле дәрәҗәсен сайларга тиеш.
Шулай итеп, 23нче мартка математика буенча база дәрәҗәдәге имтихан билгеләнгән. Математика фәненнән төп дәрәҗәсендәге имтиханны Татарстанда 16 кеше башкалардан алда тапшырачак. 26нчы мартта 68 укучы математиканың профильле дәрәҗәсе буенча имтихан тотачак. Ә 30нчы мартка рус теле буенча имтихан бигеләнгән. Ул көнне сынауны 99 укучы алдан тапшырып карарга җыена.
Татарстанда Бердәм дәүләт имтиханын төп дулкыннан алданрак 183 укучы тапшырачак. Бу төр сынауны педогогик совет карары белән имтиханга керү рөхсәте алган мәктәпне алдагы елларда тәмамлаучылар һәм быелгы чыгарылыш сыйныф укучылары тапшыра, дип хәбәр итә intertat.ru.
Фото: http://bashgazet.ru/belem/
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев