Карадуган балалар бакчасында чыгарылыш кичәсе гөрләде (фоторепортаж)

Балаларның бәйрәмдә театральләштерелгән тамаша геройлары белән берлектә рус, татар телендә шигырьләр сөйләве, җырлавы, килешле итеп вальс әйләнүләре дә һәркемнең күңеленә хуш килде. Балалар үзләрен уңган, зирәк, акыллы итеп таныттылар. Табышмакларга дөрес җавап табып, «Нинди билгелегә мәктәпкә баргач укырсын?» кебек уеннарда катнашып, беренче имтихан тоттылар. Ә бу исә аларның бакчада ныклы хәзерлек алуларын тагын бер кат күрсәтте. Дилә Сәлиҗановна корресподент булып кереп балалардан "Син кем булырга телисен?" дигән соравына балалар тулы җөмлә белән җавап бирделәр. Без тәрбиячеләр - Наҗия Әдһәмовна һәм Эльмира Гаптельшәкуровна үзебездә шаккаттык. Чөнки без балаларга ул сорауларны алдан әйтмәдек, үзләре нәрсә дип җавап бирерләр дип көттек. Ә безнең балалар югалып калмадылар, җаваплары дөрес, төгәл бирделәр.

Зиләбез - шәфкать туташы, Раилебез - әтисе кебек агроном булам диде, Гаделебез - музей хезмәткәре дип, Гөлназыбыз - сәхнәдә биюче, Ләйсәнебез - укытучы, ә хисле Әдиләбез - чәч ясаучы, ул көнне дә аның прическасы бик аермалы иде, Диләрәбез - кибетче, Камилебез - әтисе кебек юрист, Камиләбез - җырчы, Фатыхыбыз - шулай ук әтисе кебек колхоз председателе, Инзиләбез - аптекарь, ә Нариманыбыз - Казанда эшлим диде. Барысы бергә төгәл 12 бала мәктәпкә озаттык. 12 кеседә бик якын, һәр бала үзәнчелекле, без алар белән бергә 2 ел эчендә туганлашып, һәр баланың үзенең характеры, күзләренә карап алар безне, без аларны аңлый идек.

Сөенечле, моңсу мизгелләр күп булды бәйрәмдә. Аны онытылмаслык итеп уздыруда безгә музыка җитәкчебез Илһамия Таһировна булышты. Матур җырлар җырлап, биюләр биеп әти-әниләрнең, тәрбиячеләрнең, балаларның күзләре яшьләнде.

- Бүген без 12 баланы тормышның янә бер баскычына күтәрәбез - мәктәпкә озатабыз, - диде кичәнең йомгаклау өлешендә балалар бакчасы өчен җан атып йөрүче бакча мөдире Зөһрә Фәритовна. - Алардан да актив, акыллы, матур беркем юк. Шуңа күрә безгә аеруча да моңсу. Без киләчәктә дә алар белән горурланырбыз.

Бу чыгарылыш балалары аерылып тордылар. Без алар белән зур республика күләмендә үткәрелгән семинарда катнаштык. Үзем русча сөйләшкәч, шөгыльләрне дә рус телендә үткәрдем, бу балалар рус телен бик әйбәт, акцентсыз сөйләшәләр. Алар билингвиальный детский сад конкурсында да катнаштылар.

Балаларга бүләкләр тапшырылды.. Алар балачак иле белән саубуллашты. Ак юллар сезгә, балалар! Сезне тылсымлы белем дөньясы көтә!

Эльмира Галимова,

мәктәпкә әзерлек төркеме,

I категорияле тәрбияче.