Кичә Балтач балалар сәнгать мәктәбенеӊ иҗат концерты булды (фоторепортаж).

Башка тамашалардан әлеге концерт үзенеӊ грандиоз дәрәҗәдә күләмле эш башкарылуы һәм дә чыгыш ясаучылар, нигездә, балалар булуы белән аерылып торды. Балалар үзләренеӊ остазлары белән берлектә җырга-моӊга осталыкларын, талантларын күрсәттеләр.

Берсеннән-берсе дәртле биюләр - районыбызда узган барлык мәдәни чараларныӊ бизәге, сәнгать мәктәбенеӊ визит карточкасы булырга өлгергән хареограф коллективлары тарафыннан башкарылды. Республикакүләм бәйгеләрдә катнашып җиӊү яулаган, шулай ук сәнгать мәктәбендә үзләренеӊ осталыкларын чарлаган балалар һәм дә аларныӊ остазлары үзләренеӊ җырлары белән моӊ дәрьясында йөздерде. Вокал инструменталь ансамбльләр, аерым музыкаль инструментларда башкарылган көйтезмәләр тамашачыны битараф калдырмады дип беләм.

Өч сәгать дәвамында барган бу классик концертны балалар башкаруында әзерләү, оештыру, аларны туплап сәхнәгә чыгару - остазларыннан да, әти-әниләрдән дә зур хезмәт, түземлелек һәм фидакарьлек сорый торган эш. Сәнгать мәктәбе коллективы бу эшне югары сыйфатлы итеп бшкарып чыга алды. Афәрин!