Педагогик укулар

Ильнур, 26 февраль 2014 - 10:59

2399

25 нче февраль көнне Алабуга шәһәрендә «Яшь буынга белем һәм рухи-әхлакый тәрбия бирүдә Ризаэддин Фәхреддин мирасыннан файдалану» темасына Татарстан Республикасы мәгариф хезмәткәрләренең XI республика педагогик укулары үтте.

Укуларда Татарстан Республикасы Президенты аппараты, Татарстан Республикасы Министрлар кабинеты вәкилләре, Казан федераль университеты галимнәре, район һәм шәһәрләрдән милли мәгариф өчен җаваплы мәгариф бүлеге белгечләре, татар мәктәпләре директорлары, татар теле һәм әдәбияты укытучылары катнашты. Чара барышында республика мәгариф учреждениеләре арасында яшь буынга әхлакый тәрбия бирүдә аеруча нәтиҗәле эшләгән мәктәпләр, укытучылар, хезмәткәрләр билгеләнде. Балтач районыннан Ризаэддин Фәхреддин исемендәге республика премиясе конкурсанты - Карадуган урта гомуми белем мәктәбе коллективы татар мәгарифен үстерүдәге нәтиҗәле хезмәтләре өчен Татарстан Республикасы Мәгариф һәм фән министрлыгының дипломы белән бүләкләнде.