Район укучылары “Сыерчык оялары” дигән акциядә бик теләп катнаштылар.

Ильнур, 12 апрель 2015 - 08:33

2666

Җиргә яз килеп тә җитте, үзенең эшләрен башлап та җибәрде. Яз җиткәнен сизеп, җылы якларга киткән кошларыбыз да кайта башладылар. Барыбыз да сагынып көткән сыерчыклар да кайтып җиттеләр.

Район укучылары “Сыерчык оялары” дигән акциядә бик теләп катнаштылар.

Аларның кайтуына без инде алдан ук әзер идек. Мәктәптән тыш эшләр үзәге "Балтач" дәүләт табигать тыюлыгы хезмәткәрләре белән берлектә "Парклар маршы" кысаларында "Сыерчык оялары" дигән акция игълан иткәннәр иде. Әлеге акциядә 52 укучы баладан сыерчык оясы килде.

9 апрель көнне Балтач гимназиясе укучылары тыюлык хезмәткәрләре белән берлектә әлеге ояларны урманга чыгарып элеп керделәр. Хәзер инде кошларга күңелләренә хуш килгән ояны сайлап, гаилә кору эшенә керешәсе генә калды. Кошларга карата битараф булмаган, акциядә актив катнашкан барлык балаларга сыерчыклардан һәм үз исемебездән зур рәхмәт сүзләрен җиткерәбез.