Балтач мәдәният үзәгендә «Созвездие – Йолдызлык» бәйгесенеӊ йомгаклау концерты булды.

Тамашага халык күп килгән, чөнки бу тамашага төрле зоналарда сайлап алу турлары аша үткән иң-иң яхшылар гына сайланган иде. Концертта җирле үзидарә хезмәткәрләре көне уңаеннан алдынгыларга район башлыгы Рамил Рәшит улы Нофуллин һәм район башкарма комитеты җитәкчесе Рамил Илдус улы Шакиров тарафыннан районның Мактау таныклыгы, рәхмәт хатлары тапшырылды. Тамаша исә берсннән-берсе моңлы һәм матур җырлары, дәртле биюләре, югары дәрәҗәдә башкарылган нәфис сүз, берничә җор телле алып баручылар белән бер сулышта үтте. Ә шулай да тамашада авыл мәктәпләре аз катнашты, күбрәк Балтач тирәсе мәктәпләреннән иде чыгышлар. Димәк уйланырлык урын, эшлисе эшләр бар әле киләчәктә.

Балалар зур көч куйганнар, зур әзерлек эшләре башкарылуы да бәхәссез. Монда номерларны сәхнәгә куючы остазларының хезмәте аерым ихтирамга лаек. Әти-әниләр дә теләктәшлек итмәсә тамаша да тиешле югарылыкта булмас иде. Афәрин Сезгә!

Фоторепортажны тулырак күләмдә газетабызның «В контакте» социаль челтәрендәге төркемендә "«Хезмәт» - Балтач район газетасы" таныша аласыз. Төркемгә сайтыбыз (baltaci.ru) аркылы керә аласыз.