Хезмәт

Балтачта иҗат түгәрәкләренә йөрүче балаларның отчет концерты зур аншлаг белән узды (+фоторепортаж)

23 апрель көнне район мәдәният үзәге каршында эшләп килүче иҗат түгәрәкләренә йөрүче балаларның отчет концерты булды.

Район мәдәният үзәгендә 2016-2017нче уку елында балалар өчен түгәрәкләр эшләде. Районыбызның, бигрәк тә, бистәдә яшәүче сәләтле балалары өчен күптән көтелгән бәхет һәм зур мөмкинлек булды ул. Җыр-моңга, бию сәнгатенә, нәфис сүзгә осталыгы булган балаларның таланталарын ачуда Рәйфә Рамазанова, Галия Йосыпова, Айсылу Асадуллина һәм Эльвира Һадиева җитәкчелегендә төрле яшь балалар өчен түгәрәкләр эшли.

Концерт азагында район башкарма комитеты җитәкчесе урынбасары Илһам Гайнетдинов сәхнә хуҗаларына олы рәхмәтен белдерде: "Сезгә карап сокланып, горурланып утырдык. Камиллекнең чиге юк!!! Бәлки районыбыз мәдәниятенең киләчәге булган талантлы балалары бүген безнең каршыбызда чыгыш ясагандыр... Нәкъ менә шушы түгәрәкләр нәтиҗәсендә үзешчән сәнгатькә, мәдәният үсешенә зур өлеш күргәненә инандык. Сез бит әле бер яктан район балалар сәнгать мәктәбенә конкурентлар да булып торасыз! Киләчәктә дә иҗат уңышлары насыйп булсын Сезгә!" диде ул.

Барлык әти-әниләр коллективы исеменнән район мәдәният үзәгенең түгәрәк җитәкчеләренә чиксез рәхмәтебезне белдерәбез. Күңелле ял концерты бүләк иткәннәре өчен без бик шат!

Реклама
Теги: 250
Нравится
Поделиться:
Реклама
Комментарии (0)
Осталось символов: