Балтачым

ГАРИФҖАН МӨХӘММӘТШИН сүзләре

ГӨЛГЕНӘ КӘЛИМУЛЛИНА көе

Урманнарың таныйм синең

Ак каеннарга карап.

Шаян җилләр бөтерелә

Алар бөдрәсен тарап.

Кушымта:

Балтач болыннарын таныйм

Ромашкаларга карап.

Күпме мәхәббәт сыналган

Алар керфеген санап.

Якты күкләреңне таныйм

Зәңгәрлегенә карап.

Хыялымда күгең - диңгез,

Ак болытлар - ак кораб.

Балтач кешеләрен таныйм

Ягымлы йөзләреннән.

Тыйнаклык, батырлык сирпеп

Елмайган күзләреннән.