2нче май көнне үткәрелгән видеобрифингта да сүз язгы кыр эшләре турында барды.
ТР Авыл хуҗалыгы һәм азык-төлек министры урынбасары Илдус Харис улы Габдрахманов «Чәчү эшләре барышына күзәтү ясау» дигән темага карата республикакүләм мөһим мәсьәләләргә һәм башкарыла торган эшләргә үз фикерен белдерде. «Уҗым мәйданнарының 85 проценты исән кышлап чыктылар. Ә чәчү мәйданнарына килгәндә, күләмнәре сакланачак, үзгәрешләр күзәтелми. Һава торышы яхшы булганда 15нче майга язгы сабан культуралары чәчүне төгәлләүне күз алдында тотабыз. Җәйнең коры булу ихтималын да истә тотып, кырларны сугару турында да онытырга ярамый», - дип искәртте министр урынбасары.
