Хезмәт

Дәвала!

Яралы җанымнан кан тама -

Күренми.
Мин көләм. -
Сизмәсен башкалар.
Син, бәлки сизәмсең,
Сак кына
Өрәсең шифалы сулышың.
Бер караш. Елмаю. -
Шул җитә. Онтырга
Әрнегән ярамны. -
Син үзең мәңгелек ярам ла! -
Дәвала яраңны!!!
***
Гомер йомгакларын сүтә-сүтә,
Үткәннәргә көн дә кайтып киләм.
Таныш йөзләр, таныш исемнәрдән
Син гел янәшәдә. Нигә икән?
***
Ничәнче кат юлга чыктым
Сиңа таба.
Уйлар җитез, үтеп мине
Алга чаба.
Алар инде күптән синең каршыдадыр -
Таныйсыңмы?
Бу - мин, яшьлегемдә
Синең хисне танымаган. -
Бүген үзе сиңа килгән...
Гаҗәп, име?
***
Белгән булсам...
Белгән булсам... Күңелеңнең
Гөлләр тулы икәнен.
Йөрәгеңдә башкаларга
Җитәрлек наз икәнен.
Белгән булсам... Синең шулай
Бик тә гади икәнең.
Гомерең буе хисләреңә
Шулай тугры икәнең.
Белгән булсам... Йөрәгеңдә
Мәңге " эз" калдыруым,
"Белгән булсам", дип үкенеп,
Йөрәкне яндыруың... -
Белгән булсам... Белгән булсам...
Фото: http://apple39.ru/newsz/programmy/102014-russkaya-poeziya-v14-iphoneipod-touch.html

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: