2нче ноябрь көнне Казан шәһәрендә Сара Садыйкова исемендәге VI ачык төбәкара татар җыры һәм инструменталь музыка конкурс-фестивале «Калфаклы сандугач - 2011» булып узды.
Анда Балтач районыннан бердәнбер кыз бала -Айгөл чыгыш ясады. Мәртәбәле жюри әгъзалары каршында каушап калмаган Кенә мәктәбенең 8нче сыйныф укучысы Айгөл Ибраһимова I дәрәҗә Диплом һәм кыйммәтле бүләкләргә лаек булды. Әлеге конкурста җиңү Айгөл өчен генә түгел, аның якыннары һәм музыкаль җитәкчесе Шамил Низамиев өчен дә бик шатлыклы, истәлекле вакыйга булып истә калачак. Калфаклы сандугачыбыз Айгөлгә киләчәктә дә уңышлар гына насыйп булса иде!
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Иң мөһим һәм кызыклы язмаларны Татмедиа Telegram-каналында укыгыз
