Күптән түгел «Хыял» яшьләр үзәге, «Студентлар көне»нә багышлап, Норма һөнәр лицеенда бик күңелле кичә үткәрде.
Бәйрәм Балтач мәктәбе укучыларының бию коллективы һәм Альбина Дәминова башкаруында дәртле җыр-биюләр белән башланып китте. Кичәне кызыклы сораулар, күңелле уеннар белән Энҗе Сабирова алып барды. Безнең белән бергә укытучылар да уеннарда катнашты. Рәхәтләнеп күңел ачтык. Бәйрәм программасы да бик эчтәлекле, җанлы һәм үзенчәлекле итеп оештырылган иде. Арабызда булган туган көн ияләрен дә истәлекле гомер бәйрәмнәре белән тәбрикләделәр. Һәр уенда катнашучыга истәлекле бүләкләр тапшырылды. Ә инде кичәнең икенче өлешендә яшьләрнең зарыгып көткән мизгелләре - көчле заманча музыка һәм төсле утлар астында дискотека оештырылды.
Бертөркем лицей укучылары
