Хезмәт

Кайтмадың...

Кайтмадың...

Кайтмадың, кайта алмадың,
Хәтта хат та язмадың.
Гомер буе сине көтеп,
Юлдан күзем алмадым.

Калдың син ерак илләрдә,
Дошман куып килгәндә.
Насыйп булмады, бәгырем,
Кулым белән җирләргә.

Кайтмадың, кайта алмадың,
«Кайтам» диеп, «алдадың».
Син белмәдең балаларның
Ятим булып калганын.

Кимсенеп гомер иткәнне,
Үскәннәрен күрмәдең,
«Әти кайтып җитәр» диеп,
Тилмерешеп көткәнен.

Кайта алмадың... Кайтмадың -
Кайтыр юллар тапмадың.
Син булмагач яннарымда
Дөнья ямен тапмадым.

Теги: 250
Нравится
Поделиться:
Реклама
Комментарии (0)
Осталось символов: