Кремль яр буендагы ярминкә Россиянең иң кызыклы Яңа ел вакыйгалары арасына кергән
Беренче өч урынны Мәскәүдә оештырыла торган «Раштуага сәяхәт» фестивале, Санкт-Петербургтагы Раштуа ярминкәсе һәм Екатеринбургтагы Боз шәһәрчеге бүлешкән.
(Казан, 9 декабрь, «Татар-информ»). Казанның Кремль яр буенда үткәрелә торган Яңа ел ярминкәсе 2019 елның декабрендә һәм 2020 елның гыйнварында Россиянең иң кызыклы һәм популяр Яңа ел һәм Раштуа фестивальләре һәм ярминкәләре арасында дүртенче урынны алган. Бу хакта «ТурСтат» туристлык порталы яза.
Беренче өч урынны Мәскәүдә оештырыла торган «Раштуага сәяхәт» фестивале, Санкт-Петербургтагы Раштуа ярминкәсе һәм Екатеринбургтагы Боз шәһәрчеге бүлешкән. Иң кызыклы Яңа ел вакыйгалары бишлеген Түбән Новгородта үткәрелә торган «Горький чыршысы» фестивале йомгаклый.
Рейтинг Яңа ел фестивальләре һәм ярминкәләренең популярлыгын һәм үзенчәлеген анализлау нәтиҗәләре буенча төзелгән.
«Татар-информ» агентлыгы 7 декабрьдә Кремль яр буенда кышкы сезонның ачылуы хакында хәбәр иткән иде инде. Биредә хаски-парк, Европада иң озын шугалак һәм Яңа ел ярминкәсе эшли. Анда фермерлар җитештергән продукция, тәм-томнар һәм сувенирлар тәкъдим ителгән.
Фото: Владимир Васильев
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев