Хезмәт

“Наз”да өлкәннәрне кем елаткан

Күптән түгел "Наз" тернәкләндерү бүлекчәсендәге ял итеп кайттык һәм әйтергә кирәк ялыбыздан бик канәгать калдык.

Бүлекчә мөдире Тәнзилә Зәкиева һәм аның белән эшләүче хезмәткәрләр һәркемгә игътибарлы. Биредә сәламәтлекне ныгыту өчен бөтен шартлар бар, пешергән ризыклары да тәмле.
Без ял иткәндә нинди генә чаралар үткәрелмәде. Аеруча истә калганы Кече Лызи мәдәният йорты үзешчәннәре концерты булды. Мәдәни чара без - ял итүчеләр өчен бәйрәмгә тиң булды. Дәртле биюләр, җырлар матур тәэсирләр калдырды. Александр Волковның удмуртча, русча, татарча җырлавын тамашачы җылы кабул итте.
Елена Плотникова, Светлана Габидуллина, Рәмзия Васильева, Лилия Гыйләҗева һәм Галина Егороваларның чыгышлары да көчле алкышларга күмелде. Ринат Кәлимуллин белән Галина Петровалар гитара белән җыр башкаргач, күңелләр нечкәрде. Күпме хезмәт, күңел җылысы салынган иде концерт программасына.
Ихлас теләкләр белән бертөркем өлкәннәр

Теги: 250
Нравится
Поделиться:
Реклама
Комментарии (0)
Осталось символов: