Хезмәт

Питрау үтте, димәк, җәйләр үтте...

“Питрау үтте – җәйләр бетте”, – диләр Безнең якта халык сүзендә. Питраудан соң чәчәк атмый гөлләр, Сары йөгерә кырлар йөзенә.

“Питрау үтте – җәйләр бетте”, – диләр
Безнең якта халык сүзендә.
Питраудан соң чәчәк атмый гөлләр,
Сары йөгерә кырлар йөзенә.

Питраудан соң яфрак бәйләмиләр,
Мәтрүшкәләр җыеп кайтмыйлар;
Үләннәрдә хуш ис бетә, диләр,
Питраудан соң печән чапмыйлар.

Питраудан соң кош сайраудан туктый,
Ишетелми кәккүк тавышы.
Җирләр сүрелә, кояш көн балкытмый,
Салмаклана тормыш агышы.

Питрау үтте, димәк, җәйләр үтте,
Болыннарга сары йөгерде…
Бу тормышның питраулары җитте, –
Кыл урталай бүлеп гомерне.

Клара Булатова.

Фото: pixabay.com/ru

 

Реклама
Теги: шигырь
Нравится
Поделиться:
Реклама
Комментарии (0)
Осталось символов: