Хезмәт

Пыжмара укытучылары шодалыларны таң калдырды

Шода авыл клубында Пыжмара укытучылары концерт куйды.

Районыбыз мәдәният йортлары арасында бер-берсенә концерт тамаша, җыр бәйрәм кичләре белән "кунакка" бару матур гадәткә әйләнде.
Безнең Шода авылы клубында да инде ничәнче ел рәттән Пыжмара үзешчәннәре үзләренең җырга, моңга, шигъриятькә, юморга бай чыгышлары белән барыбызны да таң калдыралар.
Күптән түгел Пыжмара мәктәбе укытучылары искиткеч матур концерт тәкъдим итте. Сокландык, бик сәләтлеләр икән. Баянга кушылып җырланган халкыбызның борынгы җырларын тыңлап күзләребез яшькә чыланса, шаян мәзәкләрен тамаша кылып, рәхәтләнеп көлдек, шаян һәм күмәк биюләр башкарылганда күңелебез белән үзебез дә аларга кушылып биедек. Һәр чыгыш алкышларга күмелде. Шодалылар концерттан бик канәгать калды.
Резеда Низамова
Шода авылы

Теги: 250
Нравится
Поделиться:
Реклама
Комментарии (0)
Осталось символов: