Хезмәт

Таныш булыгыз! Яшь шагыйрә – Гөлинә Шәйхи

Гөлинә Шәйхи (Шәйхетдинова) - 1995 елның 22 ноябрендә Балтач районы Бөрбаш авылында туган. Хәзерге вакытта Нормада яши. Казан Дәүләт Мәдәният институтының театр факультетында режиссура бүлегендә белем ала.

Сайлаган һөнәренә тугъры булып, мәдәният дөньясында кайнап яши. Шигырьләр иҗат итә. Үзенең шәхси «Шигырьләрем аша аңларсыз» дип аталган төркемен булдырган. Аның шигърият бакчасында мәхәббәтнең яшь үсентеләре, яңа бөреләре белән беррәттән, «чәнечкеле» гөлләре, сагыну катыш сагышлары да бар. Яшь булуына да карамастан, шигырьләре аша тормышка карата үз фикере формалашкан, җитди, үткен гүзәл зат булып күзалдына килеп баса ул. Тормыш девизы да горур яңгырый Гөлинәнең - "Кем арбасына утырсам да, үз жырымны жырлау", ди ул. Ә хәзер иҗатына тукталыйк…

Ерак сәфәрләргә китсәң әгәр,
Сине күпләр сагынып көтәрләр.
Җилләр исә көләч йөзләреңнән
Минем кебек назлап үтәрләр.

Сагынуымны минем җилләр таратырлар,
Моңнарымны исә кошлар яңгыратыр.
Чит-җирләрдә сине башка берәү
Минем кебек, бәлки, яратыр.

Ара ераклыгын йөрәк сизәр,
Сөю диңгезендә инде ялгыз йөзәр.
Башка берәү синең өчен янар, көяр,
Юлларыңа ак чәчәкләр өяр…

* * *


... Таянырга терәк булмаганда
Үз-үземне кулга алдым да,
Көчлелегем-көчсезлектә диеп,
Яшәү теләге белән януда.

Атладым мин алга, бирешмәдем,
Абынганда тордым тизрәк.
Дошманнарны көнләштерерлек итеп,
Яшәргә әле кирәк.

Еллар үзгәрттеләр мине,
Язмыш сынаса да - сынмадым.
Тормыш дигән чиксез дәрьяны да
Бүген инде үзем сынадым...

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: