Хезмәт

Туган нигез

Туган нигез, рәнҗисеңдер Ташлап киткәнгә. Сабый чагым, яшь чакларым Калды үткәндә. Кайтсак та без, китсәк тә без Синдә тик кунак. Сагынасыңдыр, көтәсеңдер, Кайтыр дип уйлап. Тәрәзләрең төбәлгәннәр Кайтыр юлларга. Чумасыңдыр без кайтмагач Моңсу уйларга. Вакыт җиткәч, кошлар да бит Ташлый оясын. Җан теләгән парың белән Оя корасың. Туган нигез, онытмадым,...

Туган нигез, рәнҗисеңдер
Ташлап киткәнгә.
Сабый чагым, яшь чакларым
Калды үткәндә.

Кайтсак та без, китсәк тә без
Синдә тик кунак.
Сагынасыңдыр, көтәсеңдер,
Кайтыр дип уйлап.

Тәрәзләрең төбәлгәннәр
Кайтыр юлларга.
Чумасыңдыр без кайтмагач
Моңсу уйларга.

Вакыт җиткәч, кошлар да бит
Ташлый оясын.
Җан теләгән парың белән
Оя корасың.

Туган нигез, онытмадым,
Сагынам үзем дә.
Сары сагыш җанга сара,
Яшьләр күземдә.

Синдә үтте гомеремнең
Иң матур чагы.
Язсын шулай күрешергә
Күп еллар тагы.

Флера Габдуллина.

Реклама

Фото: vk.com


Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: