Хезмәт

Җәй киләчәк икән...

Тормышлар буталып бетте, Охшамаган җәй җәйгә... Июль-июнь икән хәзер, Хәерең белән кил әйдә!

Тормышлар буталып бетте,
Охшамаган җәй җәйгә...
Июль-июнь икән хәзер,
Хәерең белән кил әйдә!

Җылы дисәң җылы түгел,
Салкын дип булмый әйтеп.
Җәй килгәннән бирле җәйне,
Йөрибез әле көтеп...

Элеккеге кебек шаулап,
Ява белми яңгырлар.
"Эх, җиләкле җәйләрнең..."дип
Бездән соң кемнәр җырлар?

Җиләкне дә кемдер таба,
Кем табалмыйча йөри...
Августта килермен диеп,
Көләме бу җәй юри?

Өстән кием төшкәне юк,
Сал - суык, кисәң - эссе...
Җәен бераз киемсез дә,
Йөрергә тиештер кеше!

Җиле дә тыз да быз исә
Суытып юк җылыны.
Печән дә артык үсмәгән,
Буш ди җирнең куены.

Синоптиклар фараз кыла...
Бераз гына көтегез!
Быел җәй киләчәк икән...
Кайчан икәнен менә,
Тик үзегез белегез!


Лилия Гарифуллина,
Көшкәтбаш авылы.

Фото: баш мөхәррир

Реклама
Теги: шигырь
Нравится
Поделиться:
Реклама
Комментарии (0)
Осталось символов: