Хезмәт

Язлар килде

Туган якларыма язлар килде, Хискә күмеп җанны, күңелне. Назлар иңдер җанга язларында, Бирче, Ходам, бераз гомерне. Гомерләрнең үтсә дә язлары, Тансык җанга кышы, көзе дә. Бары язда гашыйк җаннар тоя Тәүге сөю хисен күңелендә. Язгы кар суыдай агып китте, Сиздерми дә безнең гомерләр. Гомер көзендә дә яз җиткәнен Өзелеп көтә...

Туган якларыма язлар килде,
Хискә күмеп җанны, күңелне.
Назлар иңдер җанга язларында,
Бирче, Ходам, бераз гомерне.

Гомерләрнең үтсә дә язлары,
Тансык җанга кышы, көзе дә.
Бары язда гашыйк җаннар тоя
Тәүге сөю хисен күңелендә.

Язгы кар суыдай агып китте,
Сиздерми дә безнең гомерләр.
Гомер көзендә дә яз җиткәнен
Өзелеп көтә ярсу күңелләр.

Бирче, Ходам, гомерләрне безгә,
Күрик язлар гомер көзендә.
Язгы бөреләрдәй бөреләнсен
Һәр гашыйкның сөю күңелендә.

Реклама

Флера Габдуллина.

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: