Яңа мода хәзер җырчыларда, Бар да җырлый авылын сагынып. Тик берсе дә тормый авылында, Яши читтән генә табынып. Кайсы - аны төшләрендә күрә, Кайсы - каршысына чакыра. Өч тиенлек хезмәт куймаса да, Туган-үскән авылы хакына. Авыл халкы тора иртән дүрттә, Эше бетә кичке уннарда. Аның инде вакыты да калмый, Матур-матур...
Яңа мода хәзер җырчыларда,
Бар да җырлый авылын сагынып.
Тик берсе дә тормый авылында,
Яши читтән генә табынып.
Кайсы - аны төшләрендә күрә,
Кайсы - каршысына чакыра.
Өч тиенлек хезмәт куймаса да,
Туган-үскән авылы хакына.
Авыл халкы тора иртән дүрттә,
Эше бетә кичке уннарда.
Аның инде вакыты да калмый,
Матур-матур җырлар тыңларга.
Башка исем кушыйк бу җырларга,
Әйтик: «Ничек качтым авылдан?»
Авыл инде күптән үлеп бара,
Җелегенә кадәр суырылган.
