Балалар роботларга көйләнгән сөтчелек фермасын карадылар

Балтач гимназиясенең 5 и сыйныфы укучылары, киләчәктә һөнәр сайлау юнәлеше кысаларында, Тимирязев исемендәге җәмгыятьтә экскурсиядә булдылар.

Әлеге экскурсияне балалары биредә укучы  Исрафиловлар гаиләсе оештырды. Роботларга көйләнгән сөтчелек фермасын карадылар, яшь бозауларны ничек тәрбияләгәннәрен күрделәр. Чәчү барган басуларны күрделәр, заманча яңа техниклар белән таныштылар. Гомумән, бик күп кызыклы яңалыклар белеп кайттылар. Күңелле экскурсия кыр кухнясы белән тәмамланган.

Балалаларны авылны яратырга кечкенәдән өйрәтү кирәк, атна саен Казанга күңел ачарга барган балада авылга карата мәхәббәт була алмаячак. Мондый экскурсияләр баланы авылга якынайта, авылда да эшмәкәрлек эшчәнлеге булдырып, акча эшләп булганлыгына төшендерә. – Сер түгел, экскурсиягә килгән замана баласы иң беренче «монда ничә сум түлиләр?» дип сорый.