Балтачның яшьармиячеләре «Патриот»та көч сынашты
8 сентябрендә «ПАТРИОТ» республика спорт-патриотик һәм армиягә кадәр яшьләрне әзерләү үзәгендә «Алга яшьармиячеләр»хәрби-спорт уены буенча ярышлар узды.
Уенның төп максаты-яшьләргә патриотик тәрбия бирү һәм армиядә хезмәткә әзерлек өлкәсендә эшне камилләштерү.
«Алга яшьармиячеләр»хәрби-спорт уены буенча ярышларында безнең районнан «Баки Зыятдинов исемендәге Карадуган гимназиясе» командасы чыгыш ясады.
60 м га йөгерүдә Камалиева Мәликә - 2 урын, Закирова Зәлинә, Вафин Альмир 3 урын яулады. Безнең команда шулай ук берничә төр ярышта өченче урынга лаек булды.
Көчле командалар арасында лаеклы нәтиҗәләр күрсәткән призерларыбызны котлыйбыз, аларга һәм отряд җитәкчесе Бәграм Садыйкҗановка киләчәктә дә спорт җиңүләре телибез!
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев