Бистәнең 1нче номерлы бакчасында «Иң яхшы спортчы- 2023»не ачыклаганнар (фото)

Физик культура һәм спортны  үстерүдә балалар бакчасының мөмкинлеге зур. Ул физкультура шөгыльләре, шөгыльдән тыш эшләр, масса –күләм сәламәтләндерү чаралары аша тормышка ашырыла.

Физкультура шөгыльләренең максаты - балаларга тормышта кирәкле хәрәкәт күнекмәләрен бирү, балаларның сәламәтлеген ныгыту һәм көч- сәләтләрен үстерү, эшчәнлекләрен арттыру, сәламәтләндерү юнәлешендә төрле физик күнегүләр, аларның төрле яклы үсешенә булышлык итү.

Шул максаттан чыгып, Катнаш төрдәге Балтач 1 нче номерлы балалар бакчасында, 5-7 яшьлек балалар арасында «Иң яхшы спортчы 2023» дигән бәйге узды.

«Без бер зур гаилә» девизы астында үткән бу бәйге: йөгерү,сикерү, туплар белән беррәттән берсеннән-берсе кызыклы конкурсларга бик бай иде. Балалар тизлек, җитезлек, командада эшләү осталыгы буенча ярыштылар. 

Ярыш нәтиҗәләре буенча кызлар арасында:
1 урын - Миңнемуллина Ләйлә
2 урын-Хәсәнова Әминә🥈
3 урын-Фәйзрахманова Камилла

Малайлар арасында:
1 урын-Вәлиев Ильяс
2 урын - Шәйдуллин Ислам
3 урын - Минсафин Радель

Җиңүче балаларны чын күңелдән котлыйбыз!, дип хәбәр итә бакчаның физик культура җитәкчесе Әдилә Колесникова.