Давид Аветисян Балтач гимназиясенә яӊа зур җиӊү китерергә мөмкин
Татарстанда Мәгариф һәм фән министрлыгы һәм Мәгълүматлаштыру һәм элемтә министрлыгы оештырган "IT-Чемпион-2014" республика бәйгесе старт алды.
2014 елда бәйгедә укучылар гына түгел, ә мәктәпләр үзләре дә катнашачак. Укучылар өчен бәйге ике этапта узачак. "Шәхси кабинет"ларга 15 мартка кадәр кереп булачак. "Иң актив укучы" номинациясендә җиңүчеләр ноутбук белән бүләкләнәчәк, ә "Иң актив мәктәп"ләр интерактив җиһазлар комплекты һәм кәрәзле сыйныфлар белән тәэмин ителәчәк. 2014 елда бүләкләр фонды 306 ноутбук, 51 интерактив җиһазлар комплекты, 3 кәрәзле сыйныф һәм 2 меңнән артык истәлекле бүләктән гыйбарәт.
Исегезгә төшерәбез, Балтач гимназиясенең Аветисян Давид 2013 ел нәтиҗәләре буенча Республикада "Иң яхшы видеоролик" бәйгесендә җиңү яулады һәм iPad планшеты, Мәскәүгә Google компаниясенә юллама белән бүләкләнде. Шулай ук «IT-чемпион» конкурсы дәвамында Балтач гимназиясенең Давидтан кала, "Иң актив укучы" номинациясендә: Мифтахова Лира (I этап) - җиңүче, Вәлеева Алсу (II этап) - җиңүче, Зиннәтуллина Алсу (III этап) - призёр булдылар һәм һәрберсе iPad планшетына ия булды. Уӊышлар теләп, бу конкурста һәрбер мәктәп укучысыныӊ һәм мәктәпләрнеӊ актив катнашуын һәм җиӊүләрен көтәбез .
Фото: http://baltasi.ru/news.php?makal=891
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Иң мөһим һәм кызыклы язмаларны Татмедиа Telegram-каналында укыгыз
Телефон АО «ТАТМЕДИА»: (843) 222 09 84