Динара, Ландыш һәм Ярослав премия алачак

Быел Татарстанда БДИ буенча 100 балл җыючылар, иң күп балл туплаган фән санына карап, 35 мең сумга кадәр бер тапкыр түләү алачак. Республика Премьер-министры Алексей Песошин тиешле карарга кул куйган.

3 фән буенча иң югары балл җыючыларга – 35 мең сум, 2 фән буенча – 25 мең, 1 фән буенча – 15 мең сум түләячәкләр.

Исегезгә төшерәбез, Балтач урта мәктәбеннән — Динара Кәримова, Ярослав Иванов һәм Норма мәктәбеннән Ландыш Хәбибуллина Бердәм дәүләт имтиханын 100 баллга тапшырды. Динара белән Ландыш рус әдәбиятынна, Ярослав исә физикадан 100 балл җыюга ирешкән иде.