Район мәгариф бүлеге ТР Мәгариф һәм фән министрлыгы карары нигезендә һәр елда «Ел укытучысы» дигән бәйге оештыра.
Быелгы бәйге дә мөгаллим һәм мөгаллимәләрнең һөнәри осталыкларын һәм сәләтләрен ачыклауда әһәмиятле роль уйный. 17-20нче гыйнвар көннәрендә Яңгул, Карадуган, Норма урта мәктәпләрендә, Балтач гимназиясендә бәйгенең икенче этабы булып, 18 педагог катнашты. Укытучылар үз фәннәре буенча башка аудитория укучылары белән ачык дәресләр күрсәттеләр, сыйныф сәгатьләре үткәрделәр. 18 укытучы арасыннан 13енең һөнәри осталыгы жюри тарафыннан югары бәяләнеп, өченче турга үтү мөмкинлеге алды. Әлеге укытучылар исә бүгенге көннәрдә методик семинар үткәрү үзенчәлеген һәм ата-аналар җыелышын оештыру сәләтен күрсәтү бәйгеләрендә көч сынаша. Яларга уңышлар юлдаш булсын! «Ел укытучысы - 2012» бәйгесе җиңүчеләре белән газетабызның киләсе саннарының берсендә таныштырырбыз.
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Иң мөһим һәм кызыклы язмаларны Татмедиа Telegram-каналында укыгыз
