Хезмәт

Фәнис Яруллин... Фәнис Миннемуллин - әллә язмышлар кабатлана

Уку башланырга бер ай кала аяклары авырта башлый, температурасы күтәрелә. Фәнис абыйның барлык хыяллары челпәрәмә килә. Бер-бер артлы операцияләр, айлар буе кыймылдамыйча урын өстендә яту...

«Берәүләрне тормыш гомергә бер генә сыный. Кеше дөнья зилзиләләренә каршы үзенең кечкенәдән үк җыелып килгән гайрәтен, тамырларына ана сөте белән кереп таралган көчен куя. Куя да өстенә ябырылып килгән бөтен авырлыкларны бер селтәнүдә юкка чыгара. Шул мизгелдә каушап калмаганнарны батыр диләр...»
Язучы Фәнис Яруллинның әлеге сүзләрен Фәнис абый Миңнемуллинга карата да әйтеп булыр иде. 17 яшьлек егет 13 операция кичергән, язмыш сынауларына бирешмичә, бу тормышта үз юлын тапкан.
Табигатьнең яшеллеккә төренеп, инде чәчәккә күмелгән мәлендә Раиф абый белән Гөлфинә апа гаиләсендә икенче бала булып, малай аваз сала. Әби-бабайны, әти-әнине шатландырып, бик тиз тәпи китә. Нәни малай абыйсы Рәдифкә ияреп, кайларга гына менми дә, нәрсәләрдән сикерми. Хәрәкәтчән, тупырдык малай яшьтәшләреннән бер генә дә калышмый. Балалар бакчасына йөргәндә аннан да хәрәкәтчән,тиктормас малай булмый. Концертлар, бәйрәмнәр вакытында сәхнәдә тыпырдап биюче, футбол уйнаганда туп артыннан беренче йөгерүче - Фәнис абый була.
Фәнис абый, башка балалар шикелле, түземсезлек белән мәктәпкә баруын көтә. Анда абыйсы шикелле “4” һәм “5” билгеләре алып укуы, төрле конкурс һәм бәйгеләрдә җиңү теләге белән яна.
Тик... Уку башланырга бер ай кала аяклары авырта башлый, температурасы күтәрелә. Фәнис абыйның барлык хыяллары челпәрәмә килә. Бер-бер артлы операцияләр, айлар буе кыймылдамыйча урын өстендә яту. Фәнис абый үзенең иптәшләре белән 1нче сыйныфка укырга баруын, анда беренче укытучысы Тәнзилә апасының аны ничек каршы алуын, әле кичә булган кебек хәтерли. Чөнки мәктәпкә бару, анда уку турында ул ничек хыялланды?! Яңа гына беренче хәрефләрен танырга өйрәнгәндә, октябрь аенда Фәнис абыйга беренче операцияне ясап, “Елизарев” аппараты куялар. Шуннан соң бер-бер артлы 13 операция кичерергә туры килә. Ләкин укуга, спортка булган мәхәббәте сүнми.
Ул урында яткан килеш иптәшләреннән калышмыйча укырга, язарга өйрәнә. Фәнис абый турында туган авылында укыткан укытучылары менә нәрсәләр дип сөйлиләр: "Берничә еллар Фәнисне өй шартларында укытырга туры килде. Операциядән соң бик авыр булды. Фәнисебез ятып кына торды. Фәнис Яруллин, Фәнис Миннемуллин - әллә язмышлар кабатлана инде, дип тә уйлап куйган вакытлар булды. Ул сызланам, авыртам дип бер дә зарланмады. Укырга, күп белергә тырышты. Мәктәптәге иптәшләренең, укытучыларның хәлләрен сорашты, яңалыклардан читтә калмады. Ел саен диярлек операцияләр кабатланды. Авырлыклар артта калды, төшенкелеккә бирелмәде Фәнис. Безне ятып түгел, басып каршы ала башлады. Соңыннан капка төбенә кадәр озатырга чыкты. Әти-әнисенең, табибларның, туганнарының тырышлыгы, үзенең үҗәтлеге аңа аякка басарга булышты. Хәзер ул безнең горурлыгыбыз. Фәнис - Россия чемпионы, Алан авылының спорт мастерына кандидаты гына түгел, ә бүгенге көн батыры" - диләр аның турында. IХсыйныфка кадәр ул өйдә укый. Һава торышының бозылган көннәрендә аягының авыртуы тагын да көчәя, башны урыннан күтәрәсе килмәгән көннәре дә күп була. Кечкенә бала булса да ул үзендә ихтыяр көче таба, тырышып укый.
Унөченче операциядән соң Фәнис абый костель таяклар белән йөри башлый. Мәктәпкә килү, иптәшләре белән бергә укыйсы килү анда шулкадәр көчле була, IX сыйныфны өйдә укып түгел, ә мәктәптә, иптәшләре белән укып тәмамлый. Берәү булса, аякларны сылтау итеп, өйдә, җиңел юл белән имтиханнарны бирүне сайлар иде. Ә Фәнис абый юк. Ул нәкъ иптәшләре белән, бөтен шартларына туры китереп, имтиханнарны биреп чыга. Алай гына түгел, бер үк вакытта спорт белән дә шөгыльләнә. Компьютер алдында утырырга, телефон белән уйнарга булыр иде, югыйсә. Ул Сабантуйларда үзе кебек малайларның кул көрәштергәннәрен күреп, кызыгып карап тора һәм уйламаганда үзе дә ярышларда катнаша. Менә беренче җиңүләр... Сабантуйдагы җиңүләр аны бер-бер артлы зур күләмдәге ярышларга һәм җиңүләргә китерә. Фәнис абыйда үзенә ышаныч, беләгендә көч арта.
- Миңа авырлыкларны җиңәргә спортка тартылуым ярдәм иткәндер, - ди Фәнис абый бүген. Беренче тапкыр 2017 елны Яңгул авылында 2000-2004 нче елгы укучылар арасындагы бәйгедә III урын, Пыжмарада үткән ярышта

2000-2002 нче елгы яшүсмерләр арасында кабат III урын. Аның сәләтен, тырышлыгын күреп, Фагыйль абыйсы зуррак ярышларга чакыра. Шул ук елны Мәскәүдә үткән ярышларда Фәнис абый I урынны ала һәм Польшага Россия данын якларга юллама ала. Анда ул II урында кала. 2017 елның сентябрь аенда Венгриянең Будапешт шәһәреннән үзенең чираттагы җиңүе белән кайта.
Быелгы ел да Фәнис абый өчен уңышлы башланды. Февраль аенда Мәскәүдә үткән ярышта ике кул белән дә III урынны яулады. Март аенда аңа спорт мастерлыгына кандидат (КМС) исеме бирелде.
- Бу уңышларымда тренерларым Әлфия Зыятдинова, Фагыйль Гайнетдинов нык ярдәм итәләр, - ди Фәнис абый . Бу җиңүләргә ул үзенең тырышлыгы, әти-әнисенең, туганнарының кайгыртуы һәм ярдәме, дусларының, классташларының теләктәшлеге белән килде. Ул мин кешедән ким дип, өендә кешедән ярдәм көтеп ятмый. Киресенчә алга ыргылып, үзе артыннан иптәшләрен әйди.
Бүген ул армреслинг буенча Россия чемпионы, Европа, дөнья күләмендә призлы урыннар яулаган. Бу әле җиңүләренең башы гына. Аның кебекләрне батыр дими кем дисең?

Рәлинә Хәбибуллина
Алан башлангыч мәктәп-балалар бакчасының 3 сыйныф укучысы

Реклама
Нравится
Поделиться:
Реклама
Комментарии (0)
  • 19 апрель 2018 - 13:46
    "Факел" күргәзмә ачылган. Нинди? (+фото) "Факел" яшүсмерләр клубында күргәзмә эшләп килә.
    42
    0
    0
  • 19 апрель 2018 - 12:41
    Вукуаръёс, вукуаръёс… Таӵе кезьыт куазьлэсь кышкатэк но, лымы ӧжытак шунам бере, вукуаръёс мычиллям ини ӵуж йыръёссэс.
    26
    0
    0
  • 19 апрель 2018 - 11:36
    Акчаны алдыӊмы, акчаны бирдеӊме Узган атнада район эчке эшләр бүлегенә гадәти булмаган хәбәр керә. Шәхси эшмәкәрдә ялланып эшләүче, хуҗа миннән зур суммада акча алу турында язмача расписка алды, гәрчә бу акчаны мин алмасам да, дип яза
    192
    0
    0
  • 28 март 2018 - 21:20
    Жители села Ципья запустили белые шарики - Кемерово мы с тобой!
  • 20 март 2018 - 15:37
    Балтачта "Созвездие - Йолдызлык" фестивале талантларны барлый
  • Балтачта "Созвездие - Йолдызлык" фестивале талантларны барлый
  • Борнаклар елгасында бәйрәм
  • "Очрашуларны көтеп торабыз,әти-әни һөнәреннән үрнәк алабыз"
  • Йолдызлар “Йолдызлык”ка әзер
  • Балтач газчылары туган якка мәдхия җырлады
  • Балтач бистәсендә ярминкә
  • Пыжмара мәктәбе 100 еллыгын билгеләп үтте
  • ТР Мәгариф һәм фән министры Рафис Борһанов Чапшар күпфункцияле үзәгенндә булды
  • Балтач район Советының егерменче утырышында Татарстан Республикасы Мәгариф һәм фән министры Рафис Тимерхан улы Борһанов катнаша
  • Район хуҗалыкларында үтә торган хисап җыелышларының чираттагысы "Уңыш"та булды
  • Балтачта 15 февральдә әфганчы-интернационалистлар көне билгеләп үтелде
  • "Татарстан чаңгы юллары"нда балтачлылар да зур активлык күрсәтте
  • "Смәел" җәмгыятендә эшләүчеләр 2017 елда башкарган эшләренә анализ ясарга җыелды...
  • Бүген “Кама” күмәк хуҗалыгында отчет-сайлау җыелышы булып узды. Анда районыбыз башлыгы Рамил Нотфуллин да катнашты
  • “Каймак-Тау”да онытылмаслык бәйрәм үтте
  • Көшкәтбашта февральдә дә чәчәкләр ата
  • Балтачның “Ак калфак”чылары быел кәсепчеләрне барлау эшенә керешә
  • Ветеран чик сакчылары Казан шәһәрендә хәрби-спорт темасына багышланган чарада катнаштылар
  • Кечкенә йолдызларыбыз "Йолдызлык"та сынала
  • Бассейн ачылды! Уррра!!!
  • Балтачта Бассейн ачылу тантанасы
  • Кариле китабын тәкъдим итү кичәсе
  • Балтачтагы "Дулкын" бассейны
  • Республиканың "Наз" хәйрия фонды Балтачның бертөркем баласына "Яңа ел тамашасы" бүләк итте
  • Балтачта җитәкчеләр ярышты
  • Район башлыгы Рамил Нотфуллин призына үткән көрәш ярышлары (1көн)
  • Норма урта мәктәбенең 100 еллык юбилей кичәсе
  • Балтач районында ЗАГС хезмәткәрләре хөрмәтләнде
  • Балтачта "Төнге чаңгы юллары" яңа сезонын ачты
  • 9 декабрьдә башкалада узган авыл хуҗалыгы ярминкәсеннән фоторепортаж
Ночной режим