Хезмәт

Кичә Сәнгать мәктәбе түләүле бүлектәге сабыйларын сәхнәгә чыгарды

Бу көннәрдә район мәдәният үзәгендә көн дә тамаша, бүген Халык театры спектакль куя, иртәгә бистәнең бишенче номерлы бакча нәниләре чыгыш ясый, кичә Сәнгать мәктәбенең түләүле бүлекләрендә шөгыльләнүче балалар ачык дәрес күрсәтте.

Ачык дәрес дип кенә әйтү урынлы булмас, 30 чыгыштан артык торган зур концерт иде ул. Зал шыгрым тулды. Балалар ел дәвамында өйрәнгән биюләрен тәкъдим итте, җырлады, төрле уен коралларында уйнады, нәфис сүзгә осталыккларын күрсәтте. Баланың талантын ачу, күрсәтү бик күп вакыт һәм сабырлык сорый. Бер ел эчендә педагоглар да, әти-әниләр дә моңа ирешә алганнар һәм тамашачының күңеленә хуш килерлек концерт оешкан икән, димәк, бар да әйбәт, эшчәнлекне алга таба да дәвам итәргә була.
Фотоларны тулы куләмдә биредә Район балалар сәнгать мәктәбендә ачык дәрес карагыз.

Реклама

Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.

Иң мөһим һәм кызыклы язмаларны Татмедиа Telegram-каналында укыгыз


Теги: 250
Нравится
Поделиться:
Реклама
Комментарии (0)
Осталось символов: