Авылдашым Рифат Сабиров гаиләсендә барысы да һөнәрле, тырыш-булган кешеләр яши.
Уллары Ришат мәктәптә укыган елларында оригами ысулы белән, ягъни гап-гади кәгазьләрне бөкләп, искитмәле сувенирлар ясап, сокландырган иде. Аның шәхси күргәзмәсе ничә еллар мәктәп коридорын бизәде. Баксаң, егет бу шөгылен әле дә ташламаган икән! Төзелеш техникумында белем алучы Ришат өйләрен күз явын алырлык сувенирлар белән тутырган. Бер-бер сувенирга меңгә якын, әле зурракларына меңнән артык кәгазьне әллә ничәшәр кат бөкләп, үз фантазиясен эшкә җигеп, төсле кәгазьләрдән искитмәле матурлык тудыра ул. Күрегез, сокланыгыз әле!
