Мәктәбебездә «Көзге бал» бәйрәме оештырылды. Укучыларыбыз бәйрәмне зур түземсезлек белән көтеп алды. Һәр сыйныф алдан бирелгән конкурсларга ныклап әзерләнде.
Укучыларның мода күрсәтүләре, скетч куюлары, кызыклы уеннар берсеннән-берсе матур концерт номерлары белән үрелеп барды. Бигрәк тә 7нче сыйныфтан Ранил Хәбибуллин һәм Раил Тәлгатовларның уйнау осталыклары шаккатырды. Шулай ук, 6нчы сыйныф укучыларының матур итеп җырлаулары барысының да күңеленә хуш килде. 5-8нче сыйныфлар исә төрле мавыктыргыч уеннарда катнаштылар, скетчларны зур осталык белән башкардылар. «Көзге бал» кичәсе укучылар һәм укытучылар күңелендә бары тик яхшы тәэсирләр генә калдырды.
