Хезмәт

Һөнәрне балачактан сайлыйбыз (+фото)

Моннан берничә ай элек дүртенче номерлы балалар бакчасында һөнәрләр белән таныштыру юнәлешендә семинар үткәрелгән иде.

Анда район янгын сүндерү бүлеге хезмәткәре дә катнашты һәм балаларны үзләренә кунакка дәште. Шул көннән ул һәм кызларыбыз кайчан пожарныйга барабыз инде, дигән сорау белән яшәделәр. Шөкер, булды ул очрашу. Зур-зур машиналарны күреп кенә калмады, утырып та карады балакайлар. Кайсы шлангадан су, кайсыннан көбек сиптерелгәнен дә белделәр. Янгын сүндерүчеләрнең эшләре белән якыннан танышып, киемнәрен күреп, мең дә бер сорауларына җавап табып, зур үскәч мин дә пожарник булам, дип кайтырга юлга кузгалдылар. Балаларыбызны исән-сау йөртеп алып кайткан тәрбиячеләребезгә, кызыклы очрашу бүләк иткән янгын сүндерү бүлеге хезмәткәрләренә чиксез рәхмәтләребезне ирештерәбез. Һөнәрләр иленә булган сәяхәтләрнең үтемле булуы, балаларда кечкенәдән хезмәткә хөрмәт белән карарга өйрәтүе бу очрашуда ачык чагылыш тапты.

Реклама

 

 

Нравится
Поделиться:
Реклама
Комментарии (0)
Осталось символов: