Унберенчеләр сынау тотты - рус теле буенча БДИ биреп карады

21 март көнне математикадан шундый ук сынау тапшырганнар иде. Аңа кадәр гыйнварда әлеге фәннәрдән имтихан биреп карадылар, әле мәктәпләрдә даими сынау-тестлар булып тора. Сыныйлар да, сыныйлар, сыналалар да, сыналалар. БДИга хәзерлек этапларын елдан-ел катлауландыралар шул: дәресләргә кадәр консультацияләр, дәресләрдән соң "ресурс үзәкләре" дигән видеоукулар, репетиторларга йөрүләр, өйдә үзең имтихан бирә торган фәннәр буенча тестлар эшләү (әле бит башка фәннәрдән өй эшләре дә бар!), кышкы, язгы каникулларда ихтыяри-мәҗбүри консультацияләргә йөрү... - чыдаган балаларга рәхмәт...