Яңа уку елында мәктәпләрдә цифрлы белем бирү киңлеген сыныйлар

Сентябрьдә мәктәпләрдә һәм колледжларда цифрлы белем бирү киңлеген гамәлгә кертү буенча эксперимент башланачак. РФ мәгариф министры Сергей Кравцов укытучыларны һәм укучыларның ата-аналарын, янәсе, традицион дәресләрдән баш тарту турында социаль челтәрләрдә таратыла торган мәгълүматка ышанмаска чакырды.

Яңа уку елыннан 14 төбәк мәктәпләрендә цифрлы белем бирү киңлеген сынап карый башлаячаклар. Тиешле документ норматив хокукый актларның рәсми порталында урнаштырылган. Шуңа бәйле рәвештә, укучыларның ата-аналары арасында, социаль челтәрләрдә әлеге төбәкләрдәге мәктәп укучыларының тулысынча дистанцион белемгә күчүләре турында дөрес булмаган мәгълүмат таратылды. Мәгариф һәм фән министрлыгында бу хәлне аңлаттылар һәм ата-аналар берләшмәсенең шикләрен тараттылар.

"Кайбер социаль челтәрләрдә һәм башка чыганакларда янәсе, мәктәптләрдә белем бирү онлайн формага күчереләчәк, дип таратыла торган мәгълүмат дөрес түгел һәм бернинди нигезләмәсез", — диелә хәбәрдә.

«Цифрлы белем бирү мохите» проекты укучыларның сыйфатлы белем бирү программаларына керүен киңәйтергә мөмкинлек бирәчәк, шул ук вакытта әлеге карарлар традицион дәресләрдән мәктәпләрдән китүне күз алдында тотмый. Уку процессының интерактивлыгын киңәйтү күздә тотыла, әмма бу укытучы белән укучы арасында җанлы аралашуны юкка чыгармаячак.

Чыганак: magarif-uku.ru