Яңгул балалары милли гореф - гадәтләрне яхшы белә
Зурлар төркеме балалары “ Кичке уенлык” күренеше белән катнашып, икенче дәрәҗә дипломга ия булды.
Зурлар төркеме балалары “ Кичке уенлык” күренеше белән катнашып, икенче дәрәҗә дипломга ия булды.
Татар халкының милли гореф - гадәтләре, йола бәйрәмнәре белән таныштыру балаларда тел белән кызыксыну сыйфаты тәрбияли, сөйләм телен үстерергә, ана телен ихтирам итәргә өйрәтә. Буыннан-буынга килгән тәрбия ысулларын, халкыбыз традицияләрен файдаланып эшләү бала шәхесен тәрбияләүдә мөһим чараларның берсе булып тора.
Безнең бакчабызда да балаларга халкыбызның борынгы гореф-гадәтләрен, йолаларын һәм бәйрәмнәрен өйрәту, халык авыз иҗаты белән таныштыру эше даими алып барыла. Алган күнекмәләребезне авыл җирлегендә үткәрелгән төрле чараларда, район, республика күләмендә үткәрелгән конкурсларда катнашып ныгытабыз.
30 ноябрь көнне Киров өлкәсендә уздырылган төбәкара “Содружество” милли-мәдәният конкурс-фестивалендә бакчабызның зурлар төркеме балалары (җитәкчеләре Галимуллина Л.М.) “ Кичке уенлык” күренеше белән катнашып, икенче дәрәҗә дипломга ия булдылар.
Бу зур җиңүебездә әти – әниләребезнең дә өлеше бик зур. Гаилә – бакча бердәмлеге булган очракта гына зур уңышларга ирешеп була.
Раушания Исмәгыйлова,
Яңгул балалар бакчасы тәрбияче.
Автор фотолары.
