Алсу Фазлыева өченче тапкыр әни булды!

“Бу баланы мин бик озак көттем... Әйтәм бит: карынымда кыз бала икәнен белгәч, мин моны кешегә сөйләргә түгел, хәтта моның хакта артык уйланып, хыялланып йөрергә дә курыктым. Көн дә Ходаемнан “Бар да яхшы булсын, дүрт саны төгәл булып тусын”, дип сорадым.
Әтисе, котлыйм! Без хәзер күпбалалы гаилә! Ике баһадирдай улыбыз һәм кечкенә принцессабыз бар. Аллаһыга шөкер!”, дип сөенече белән бүлешә Алсу инстаграм битендә.

Алсу һәм Азат Фазлыевларны ихластан котлыйбыз. Балаларын тигезлектә, бәхеттә үстерергә, игелекләрен күрергә насыйп булсын!