Балтачта гүзәл затларны хөрмәтләделәр (фото)

Тышта ап-ак кар булса да, күктә яз кояшы балкый. Нәкъ менә шушы көннәрдә кешелек дөньясы иң матур бәйрәмнәрнең берсе - Халыкара хатын-кызлар көнен билгеләп үтә. Язның беренче бәйрәме уңаеннан, 7 март көнне бистәбезнеӊ мәдәният үзәгендә районыбызныӊ гүзәл затлары өчен бәйрәм чарасы үтте. Җыелган хатын-кызлар, әбиләр, апаларны иң элек нәниләр тәбрикләде. Балтач районы башкарма комитеты җитәкчесе урынбасары Илһам Гайнетдинов аларныӊ гаиләдәге, тормыштагы тоткан урыннарына югары бәя бирде, чибәр һәм сөйкемле, эшчән һәм тыйнак булуларына үзенеӊ соклануын белдерде. Һәр гаиләнеӊ тоткасы булган илаһи затларга сәламәтлек һәм иминлек, бәхет теләде. Бер төркем хатын-кызларга истәлекле бүләкләр, мактау таныклыклары тапшырылды.

Залга чакырылганнарга үзебезнең җирлек артистлары тарафыннан әзерләнгән концерт программасы тәкъдим ителде. Югары дәрәҗәдәге номерлар, матур җырлар, залда утырганнарны да җырлатты, уйлатты, сокландырды, музыка дәрьясында йөздерде. Концертттан соӊ таралган һәрбер кешенеӊ йөзендә канәгатьләнү хисе балкый иде.