“Без бердәм чылбыр”

Форумда Татарстаннан, Удмуртиядән, Марий Элдан барлыгы 70 яшь кеше катнашты, бу узган елга караганда 2 мәртәбәгә артык. Катнашучыларның берсе – Жофи Сираки – Венгрия вәкиле, Удмурт дәүләт университетында венгр теле укыта.

Оештыручылар әйткәнчә, әлеге форумның максаты – удмурт яшьләрен удмурт халкының гореф-гадәтләрен, йолаларын популярлаштыруга, телен, мәдәниятен саклауга, үстерүгә юнәлтү. Форум актив яшьләр арасында әйдаманнарны ачыкларга мөмкинлек бирде, удмурт кызларына-егетләренә аралашу мәйданчыгы тудырды. Биредә дүрт юнәлештә мәйданчык эшләде – иҗади, спорт, этноблогинг (биредә яшьләр интернет ресурсларга мәгълүматлар әзерләргә һәм куярга өйрәнде) һәм дизайн (милли бизәкләргә өстенлек бирелде, яшьләр тактага удмурт бизәкләре төшереп кисте). Форумда катнашучы яшьләр Гырон быдтон бәйрәмендә милли киемнән флешмоб күрсәтте. Дүрт көнлек форум бик күп тәэсирләр калдырды, иң мөһиме – яңа дуслар табылды.

Рәсемдә: форум эшеннән мизгелләр.