Бәйрәмегез белән хөрмәтле мәдәният хезмәткәрләре!

Сез хезмәтегез белән туган җиребезнең, туган телебезнең бөеклегенә дан җырлыйсыз, халкыбызның милли рухын, гореф-гадәтләрен саклауга, аларны киләчәк буыннарга тапшыруда намуслы хезмәт куясыз. Сезнең эшчәнлекне без республикакүләм яулаган җиңүләрегез, уңышларыгыз аша бәялибез.

Сез кешеләргә яктылык, мәрхәмәт чаткылары өләшәсез, матурлыкны күрергә, бәяләргә өйрәтәсез. Сезнең иҗатыгыз һәм тынгысыз көндәлек хезмәтегез белән районыбызда фестивальләр, концертлар, бәйгеләр үткәрелә, бер генә милли бәйрәм дә, авыл җыеннары да сездән башка узмый. Тырыш хезмәтегез тормышыбызны ямьләндерә.Төп вазыйфаларыгыздан тыш, сез авылларның җәмәгать тормышында актив катнашасыз, торак пунктларны төзекләндерү, чистарту, яшелләндерү буенча зур эш алып барасыз.

Хөрмәтле мәдәният хезмәткәрләре! Сезне һөнәри бәйрәмегез белән тәбрик итеп, намуслы хезмәтегез, үз эшегезгэ тугры калуыгыз өчен рәхмәтләребезне белдерәбез. Сезгә гаилә бәхете, сәламәтлек, кәеф күтәренкелеге һәм бетмәс-төкәнмәс иҗат уңышлары теләп калабыз.

Хөрмәт белән "Хезмәт" газетасы редакциясе