Чапшар, Яңгул үзешчәннәре - Малмыж сәхнәсендә
Чапшар авыл клубы коллективы Малмыж шәһәрендә узган "Нократ йолдызчыклары" III төбәкара конкурс-фестивалендә катнашты.
Алинә Галиева "Беренче мәхәббәт", ә Илзир Ризванов саксофонда "Мин сине шундый сагындым" татар халык җырын башкарды. Нәзилә Гаязованың "Гөлләр үсә" биюен тамашачылар алкышларга күмде. Ул икенче турга узды, I дәрәҗә лауреат дипломы һәм сертификат белән бүләкләнде.
Яңгул мәдәният йортының "Тамчы" бию төркеме дә (җитәкчесе Гөлнара Сабирова) әлеге конкурста чыгыш ясап, зур уңышлар яулады. Бию төркеме II дәрәҗә лауреат булып танылды.
Коллективның солисты Камилә Сафиуллина аерым бию башкарып шулай ук II дәрәҗә лауреат исемен алды.
Фото: автор
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев