«Чеберина-2021» - Безнең Балтач кызы!

З июль көнне Әгерҗе районының Варкләд-Бодья авылында Гырон быдтон бәйрәме республика күләмендә узды. Ул ел да республика югарылыгында удмуртлар яшәүче районнарның берсендә үтә. Удмурт халкының милли бәйрәмендә «Удмурт чибәре!», «Удмурт батыры!» дигән егетләрнең - кызларның уңганлыгын, зирәклеген, чибәрлеген, җыр-моң сөюен бәяли торган күркәм бәйге бар. Һәр елны уза ул бәйге. Быел менә Әгерҗедә узганында безнең Балтач районы Кече Лызи авылы кызы Алина Калинина беренчелекне яулады.

Алина Кече Лызи урта мәктәбен тәмамлап, Казан дәүләт мәдәният институтының документ эшләре алып бару бүлегендә белем ала. Икенче курс студенты. Җырларга-биергә ярата.

– Әлеге бәйгедә катнашырга мине авылыбызның мәдәният бүлеге сәнгать җитәкчесе Галина Петрова өндәде. Мин сәхнәгә чыгарга бик яратам, күңелем белән гел дә сәнгатькә тартылам. Тәкъдим булуга, әзерлек башланды. Көн дә клубта милли чыгыш ясарга өйрәндек, видеоролик эшләдек. Әлеге бәйге миңа бик ошады, биш кыз булдык, көндәшләремнең барысы да чын күңелдән ярышырлык дәрәҗәдә яхшы хәзерлекле иде, шуңа да җиңүем лаеклы рәвештә яуланды, күңелемә аеруча да хуш килде.

Республика чибәре Алинаны чын күңелдән котлап, алга таба да уңышлар телибез!

Фото: agryz-rt.ru

Сүз уңаеннан, 2018 елда республика күләнмендәге Гырон быдтон бәйрәме Балтачта узды, анда Удмурт чибәре булып Әгерҗе районыннан Варкләд-Бодьядан Алина Пислегова танылган иде