Гөлназ Сәфәрова беренче үбешүе һәм кызлар белән сугышуы хакында сөйләде

Кызлар белән сугышканыгыз бармы?
Бар. Гомеремдә беренче тапкыр. Миңа ул вакытта 15 яшь иде. Ул үзе мине беренче этеп җибәрде. Шуннан башланды да инде...

Җавапсыз мәхәббәтегез булдымы?
Юк, булмады. Мин барысын да үземә гашыйк итәм дигән сүз түгел бу. Мин бары эгоист һәм беренче чиратта үземне яратам! Әгәр дә ошаган егет миңа игътибар итми икән, мин аның турында оныта идем.

Аралашкан кешеләр арасында сезнең турында гайбәт сөйләүчеләр хакында ишеткәнегез бармы?
Бар. Сөйләсеннәр. Мине гадәттә “усал”, “стерва”, “кычкыра” дип сөйлиләр. Әйе, булгалый. Мин кызу канлы кеше. Ләкин “все по делу”.

Беренче үбешү ничә яшьтә булды?
13 яшьтә. Ул егеткә 14 яшь, ул миңа шундый ошый иде. Хәзер өйгә кайтам да, төне буе йокламыйча, фильмнардагы кебек шул үбешү турында уйлап ятармын дип уйладым. Шулай булырга тиеш кебек иде миңа. Өйгә кайттым да, яттым һәм йокыга киттем. Шундый хыялый инде мин.

Тулырак: ШәһриКазан