Ике елдан соң... яки сез автокинотеатрга йөрисезме?

Райондашларыбыз бу яңалыкны ничек кабул итүе хакында 2017 елда сораштыру уздырган булганбыз. “Автокинотеатр Балтач өчен яңалык, әлбәттә. Ияләнербез әле” дигәннәр иде ул вакытта. Инде ике ел вакыт узган. Кино караучы райондашларыбызның саны да артты. Яхшыга тиз ияләнәләр бит ул. Балтачлылар бүген нинди фикердә? Халыкара кино көне уңаеннан, без кабат райондашларыбызның фикерен белергә булдык.

Сез автокинотеатрга йөрисезме?

*Атна саен булмаса да, йөрим.
* Йөрим, әмма барлык кинолар да ошый дип әйтә алмыйм.
* Бик сирәк барам.
*Тирән мәгънәле кинолар куелганда барам.
*Гаиләбез белән килгән көннәребез дә бар. Ошый, бик теләп йөрибез.
*Бер бардым, бер дә ошамады.
*Минеке түгел икән дип кайттым. Ошатканнар йөрсен.
* Бик ошый, бик теләп йөрим.
*Әрәмгә ут тоту, бензин ягу дип уйлыйм.

Фото: автор