Илсөя Бәдретдинова: "Аерылыша алмыйча елап беткән идек"
Җырчы кемнән аерыла алмаган - безнең язмада тулырак.
Татар эстрадасының танылган җырчысы Илсөя Бәдретдинова туган ягы Лениногорск районы Иске Шөгер авылында сыйныфташлары белән очрашуда булган. Быел Илсөянең мәктәпне тәмамлавына 25 ел тулган икән.
“Безнең сыйныф бик тату иде. Әле дә “общий” чатта сөйләшеп торабыз, җае чыккан саен очрашабыз. Сыйныфта без тугыз кеше укыдык, һәркайсының исем-фамилиясен, туган көннәрен хәтерлим. Киләсе елга очрашуга балаларны да алып киләбез дип сөйләштек.
Беренче укытучыбыз – Гөлисә апа Вәсимовна. Очрашуга аны да чакырдык. Гөлисә апабызга бик матур кыр чәчәкләре җыеп бирдек, ә ул безгә үзе җыйган җиләкләрне алып менде. Бик сабыр, акыллы мөгаллим. 6 яшьтән алып укытты безне. Аерылыша алмыйча елап беткән идек. Бүгенге көндә дә аралашып яшибез. Элегрәк очрашуга башка укытучыларыбызны да чакыра идек. Кызганыч, кайберләре инде китеп барды, ә кайберләре олыгайды, очрашуларга килә алмый. Алар түгел, үзебез дә олыгайдык инде”, - дип сөйләде безгә Илсөя.
Следите за самым важным и интересным в Telegram-каналеТатмедиа
Без социаль челтәрләрдә: ВКонтакте, ВКонтакте, ТикТок, Ютуб, Одноклассники, Телеграм, Яндекс.Дзен
Район тормышына кагылышлы иң мөһим яңалыкларыбызны Балтаси_Хезмэт телеграм каналыбызда да укыгыз.
Нет комментариев