Кичерермен...

Тик ышана алмам
Янә "Сөям" дигән сүзеңә
Мин ул сүзне бары сиңа әйттем,
Сиңа атап, бары үзеңә...

Кичерермен...
Тик кочагың инде
Элеккечә кайнар тоелмас
Тик исемең уеп язылган бит
Күңел түрләреннән җуелмас...

Кичерермен...
Тик күзләрем сатар
Күңелемдә ниләр барлыгын
Мин боз хәзер, тиз генә эремәм
Аңларсыңмы, салкын канлыгым?

Кичерермен...
Тик оныта алмам,
Син ясаган яңа яраны
Башкаларныкына түзалам мин
Син ясаган яра яманы...

Кичерермен...
Мин шулкадәр кем соң?
Хәтта Аллаһ безне кичерә...
Янәшәмнән барган чакта бары,
Гафу сорарга син кичекмә...

#ЛилияГарифуллина