Күптән түгел Кили мәдәният йортында "Шигърият - ул серле дөнья" дигән шигырь бәйрәме узды

Юк, бу асылташлар түгел. Бәясен берни белән дә үлчәп булмый торган, еллар үткән саен тутыкмый, буыннан - буынга тапшырылучы кыйммәт - ул әдәби хәзинә. Шушы хәзинәне үз туган халкына бүләк итүче якташларыбыз, тыйнак кына каләм тибрәтүче искиткеч сәләт ияләре Флера апа Габдуллина белән Салиха апа Гаязовалар 3 ноябрь көнне Кили авыл китапханәсендә үткәрелгән "Шигьрият - ул серле дөнья " исемле очрашу кунаклары булдылар. Очрашуда катнашкан һәркем илһам һәм якты хисләр алды. Шагыйрәләребезнең иҗатын укып аңлардай, дөрес бәяли белердәй үз укучылары булсын, дип хәбәр итә Кили авылы китапханәсе мөдире Миләүшә Мәннанова.